|
Выписки из актов ЛИТОВСКОЙ МЕТРИКИ
ЛИТОВСКАЯ МЕТРИКА Стр. 174: Книга розных справ и листов поточных короля его м(и)л(о)сти Жикгимонта Першого и ку конъцу неколкос привилеиков починаются, от року 1524 аж до року 1529. В тых книгах пишутся листы жалобныи. Тут пишутся листы справы пана коптевы, в Кракове лета Бож(его) тисеча пятсот 24 м(е)с(е)ца ген(варя) 1 инъдиктъта 12. 391.(330) [1524 06 25 –07 04] Тому ж бо~"рину браславскому [Остани Григоревиче] о земли куплю его. Ему жъ листъ до него жъ. Жаловалъ, што жъ з дозволенья воеводы подляшъского, дер(жавцы) браславъского небожъчика пана Ивана Семеновича Сопеги, купилъ две земли в слугъ путных Браславского повета въ Юркгеля и въ его брати Буевичовъ, а вовъ Кгутевичовъ, а в Станька и въ его братьи, и Субучовичовъ куплю ихъ на имя Субутевъшчину, а Буевщину, и на тыхъ землях люди собе посажалъ. А потомъ мы ему тыи земли потвердили листомъ нашимъ на вечность, подлугъ купли ег(о) и листовъ купъчихъ, и тежъ з дозволенья и листу небожъчика пана Ивана Сопежича. То пак тыми разы дворанин нашъ Федор Ивановичъ Сопежича тыи люди и земли в него отнимаеть и не кажеть тымъ людемъ ему служити. Абы тымъ людем, которыи на его землях седять, приказалъ, ижъ бы ему служили и его послушни были во всемъ; а до Федора писали, абы в тыи люди ничимъ ся не въступалъ и далъ упокои. Копот, писар.
ЛИТОВСКАЯ МЕТРИКА Стр. 356-357: //[л. 366] ...437. Боярину смоленскому Остани Григоревичу на две земли в Браславском повете, куплю его у бояр путных браславъскихъ. Жыкгимонт, Божю м(и)л(ос)тю. Маршалку н(а)ш(о)му, деджавъцы бряславскому, п(а)ну Павлу Ивановичу Сопезе. Бил нам чолом бояринъ смоленьский Останя Григоревичъ о томъ, што он купилъ зъ дозволен(ь)емъ воеводы подляшъског(о), державъцы бряславъског(о), небощыка пана Ивана Сопеги, две земли въ слугь путных Бряславъског(о) повету: въ Юдкгеля и его брат(ь)и - Буевичов, а во-в Кгутевичов, а въ Станка и его брат(ь)и - Субочевичов, куплю их, //[л. 366об.] на ймя: Субочевщину а Буевщину, и на тых землях люди собе посажал. И мы тые земли потверъдили ему нашым листом, то пакъ какъ посылали есмо тамъ до Бряславъля тивуна виленьског(о), державъцу радуньског(о), пана Шимка Мацкевича, для доведан(ь)я, он тые земли подъ ним пописалъ, ижъ, дей, он листов: купъчого и нашого потверженья, перед ним не вказывалъ. Потом онъ тые листы дозволеньи пана Ивана Сопеги и потверженье н(а)шо перед нами покладалъ, который жо, дей, лист его зостал у воеводы виленьского. Нижли мы на он часъ о тых земляхъ, купли его, наконецъ ему не о отказали. Ино он бил намъ чоломъ, абыхмо ему тые земли казали деръжаоти, водлугъ ку[п]ли его. Прото, кгды жъ он тые земли купил зъ дозволеньемъ пана Ивана Сопеги, а потомъ и мы потвердили ему то н(а)шым листом, а тот лист будет(ь) ли у пана воеводы, его м(и)л(ос)оти, виленьског(о), мы его и тепер при тых земляхъ зоставуемъ. И, ты бы, тых земль со всимъ ему ся поступил и в них ничым ся не въступалъ конечно. Писанъ у Кракове, под лет(ы) Бож(его) нарож(енья) 1530, м(еся)ца ген(вара) 27 д(е)н(ь), индикт 3. Горностай, писар. Источник: Orbis Lituaniae
ЛИТОВСКАЯ МЕТРИКА Стр. 215-216: AB A(NNO) 1533 AD 1540. SIGISMUNDI I. W(OJEWO)DZTWO WITEBS(KIE). Тые справы почали ся писати за панованя г(о)с(по)д(а)ря короля и великого кн(я)зя Жикгимонта от того часу, яко дано воеводство витебъское от г(оспо)д(а)ря его м(и)л(о)сти пану Матею Воитехочу Яновича, маршалъку г(оспо)д(а)ря короля его м(и)л(о)сти, державцы волковыискому и мерецкому, а его м(и)л(о)сть рачилъ послати от себе наместникомъ на витебскъ служебника его м(и)л(о)сти дмитра жомоитиновича, под лету божего нароженя 1533, м(е)с(е)ца ген(варя) 1 д(е)нь, индикта 6. //[л. 88] ... № 118. 1539 г. июня 6. [Витебск]. - Запись приговора суда [М. В. Клочки] по тяжбе между б. Витебского пов. Лукашем Матеевым сыном Буевичем и чел. того же пов. Иваном Волком об избиении и нанесении ран. Sprawa Lukasza Matiewicza Buiewicza z Iwanom Wolko(*727) o zbitie. У пятьницу, назавътрсм Божего Тела(*728), м(е)с(е)ца июнь 6 день, индиктъ 12(*729), а(*730) лета Божего нароженья 1539 год(*731). Жаловал(*732) перед нами боярииъ г(оспо)д(а)ръским повету Витебъского Лукаш Матеевъ сынъ Буевичъ на чоловека витебъекого Ивана Волъка тымъ вбычаемъ, иж, деи, "мене перенявъшы на добровольнои дорозе, на увороте за Витъбою безвиньне збилъ и зранилъ". Яко жъ и раны у голове своем згъ того бою перед нами указывал. И тотъ Волъкъ перед нами поведилъ: "Я ся к(*733) тому бою не знаю, бомъ былъ в тотъ часъ пьянь, не вемъ, если же есми его билъ або ни". И тотъ Лукашъ Буевичъ шапъку поставилъ до светъковъ тых, которие, деи, "видели(*734), яко ты мене билъ". И Волкъ шапъку свою приставилъ. А(*735) такъ, Лукашъ на зныи бои свои светъки подалъ на ммя Санька Мазалова(*736), мещанина витебъского, а Якуба Анъдреевича(*737), человека(*738) Зелепужиного, а третего Арестя, живеть за Встрогомъ на Слободе. И Волкъ на Санька Мазалова злюбилъ и на него ся послалъ. Ино тот светокъ Санько, ставъшы перед нами вчевисте, светчилъ, иж виделъ, яко тотъ Иванъ Волъкъ того Лукаша Буевича //[л. 88об.] безвиньие, перенявъшы на увороте за Витъбою, збилъ. И мы(*739) тому зрозумевъшы и ихъ ре чем з обу сторонъ выслухавъшы, подлугъ сведецътва того светъка знашъли есмо того Лукаша Буевича в томъ правого, и присудили есмо ему водлугъ его поведанья навязки за тотъ бои дванадцать(*740) рублевъ грошей яко шляхътичу. Нижли тотъ Иванъ(*741) Волъкъ поведилъ, иж, деи, тотъ Лукашъ Бусвичъ поведается шляхътичъ, а внъ есть чоловекъ простыи, и втецъ его служилъ пану Сопезе и колеса давалъ(*742). И тотъ Лукашъ племя и род свом поведилъ, иж внъ естъ з двора г(о)с(по)д(а)ръского повету Виленьского из Швинтянъ, и тепер, деи, "мое племя тамъ у Швинтянехъ есть". И мы тую(*743) речъ на томъ зоставили: если тотъ Лукашъ Буевичъ поставить племя свое а выведеть ся, же бы быль шляхътичъ подлугъ вбычая права и Статуту зсмъского(а), тогъды Иванъ Волъкъ маеть ему за тотъ бои заплатити навязки дванадцат рублев грошеи яко шляхтичу. А рокъ тому выводу положили есмо дванадцать недель. Если ж тотъ Лукашъ племени(*744) своег(о) на тотъ рокъ, за дванадцать недель, не поставить а не введеть ся, иж бы быль шляхътичъ, тогъды мы ему уска1зали навязки три рубли грошеи яко слузе панъцерному водле Статута. Которую ж навязку маеть ему Волъкъ заплатити на тотъ рокъ за 12 недель. И то есмо казали для памети у книги записати. А при томъ были(*745) городничыи //[л. 89] городничыи и хоружыи витебъскии, панъ Романъ Гарасимовичъ, а брать его Анъдреи, а намесникъ витебъскии Климъ(*746). Примечания: 727 Так в ркп., без знаков сокращения, след. чит. Wolkom. 728 Более св. чрнл. по ст. 729 Далее двоеточ. 730 Перекладина и ниж. вын. элемент дописан более св. чрнл. 731 После го двоеточ. и знак, похожий на современную рукописную я. этот знак, в отличие от двоеточ, более св. чрнл. 732 22 х 1,7. 733 Верхние части дужек подпр. более св. чрнл. 734 ( испр. из др. б. более св. чрнл., л испр. из с более св. чрнл. 735 В виде а. 736 л более св. чрнл. 737 Далее на ниж. лн. стрк. более св. чрнл. раздел, знак /. 738 чо более св. чрнл.; после чо более св. чрнл. знак вставки двоеточ., ловека над стрк. под титлом, очев., поч. III, перед ловека более св. чрнл. знак вставки двоеточ. 739 м в верхней части как бы зач. гориз чрт., очев., элемент недопис. б. 740 Далее //. 741 Далее //. 742 743 744 745 746 Климъ более св. чрнл., и по ниж. части воc.
ЛИТОВСКАЯ МЕТРИКА Стр. 47-50: //[л. 48об.] ... 24. Вырок Миколаю Богдевичу зъ Соркговтовою Катервшою о отнятье кгвал-товное дворца Пеняньского. Мы, Янь Юревичи Глебовича, воевода виленский, смотрели есьмо того дела. Стояли передв нами в праве очивисто, жаловали нами бояринъ г(о)с(по)д(а)ръский повету Виленьского Миколай Богдевичъ черезъ приятеля своего Семена Бубна на бояриню г(о)с(по)д(а)ръскую повету Виленъского Соркговтовую Катерину о томъ: "Бояриня г(о)с(по)д(а)рвская Ягнежька Пет(ь)ковна записала мне дворец свой Пенянвекий со всимъ, яко ся в собе маеть, и на то листы свои мне дала. И тая жъ Ягнежъка, будучи в опеце моей, п(е)н(е)зми и инъшими речми немало ми винвна зостала. Она, приехавши моцне кгвалътомъ зъ слугами и з людьми своими, тую Ягнежъку з опеки моее до себе взяла и тотъ дворецъ Пенянвекий кгвалвтовне у мене отъняла и з моцы моее выняла". Катерина Соркговътовая, черезъ зятя своег(о) Аврама на жалобу отъпираючи, мовила, же не кгвалътовне тую Ягнежвку взяла до себе, але за призволеньемъ ее самое, а тотъ дворец такъже не кгвалтомъ взяла, але за записомъ и листомъ ее, и "она жъ его мне подала(*4) за живота своего". И поведил //[л.49] Аврамъ(*1) отъ Соркговтовои: „В позве описано, ижъбы кгвалътомъ тотъ дворец у него отъняла. Есть обычай: кожъдый кгвалтъ быва ожалованъ враду. Хоче сторона ведати, яко давно тотъ дворец в него отъняла, а кому тотъ кгвалт ожаловалъ". Отъ Миколая Семенъ Бубенъ поведилъ, же четвертый годъ тому идетъ, яко тотъ дворецъ у него отняла и ачъ кгвалтъ ожаловалъ, нижли нигде в кн(и)ги не записывалъ. Ведже кгвалъту не пойскиваетъ, только дворца. И положили Миколай Богдевичъ два листы по-латине писаньи, на паркгамене тое Ягнежъки Пет(ь)ковны. В одномв листе пишеть, даючи, даруючи и поступуючи третюю части дворца своего Пенянвского Миколаю Богдевичу и его потомъкомъ навечьностъ, в другомв листе пишеть, же ему заставила две части того жъ дворца в деветидесят копах грошей. Тыхъ листовъ дата по нароженьи Божъемъ тисеча пятьсоть тридцать первого году. Покладалъ теж на тыи листы потверженье старшого короля, его милости, и великого кн(я)зя Жикгимонъта, на паркгамене по-латине писаныи, с привесистою печатью. Соркговътовая, выслухавши тыхъ листовъ, поведила черезъ того жъ зятя своего Аврама: "Которимъ листомъ третюю часть ему навечъность записала, пишеть в томъ листе, поступуючи ему того дворца третюю часть, в другомъ листе пишеть, же две части того жъ дворца заставила ему в деветидесят //[л. 49] копах грошей. Кгды жъ ему поступила, чому он за тыми записы того дворца за живота ее не держалъ, але мне, яко записала, в тотъ же часъ в моцъ и в держанье подала и вже оть чотырнадьцати леть тоть дворецъ держу и спокойне его вживаю". И покладала передъ правомъ листь-запис тое Ягнежъки, по-руский на папери писаный. В томъ листе пишеть, же, узнавши ку собе добродейство и немалый датокъ сестричъны своее Катерины Соркговтовое, записала ей третюю часть всего дворца своего материстого в повете Пеняньскомъ надь Светою рекою, и статьковъ домовыхь со въсимъ, яко ся третяя часть в собе маеть. И пишеть в томъ листе: "Подле того запису моего оть сего ч(а)су маеть онъ(*2) тую третю(*5) часть держати и вживати вечъне и потомъки ее", а две части того жъ дворца нерозделяючи тымъ же листомъ записала ей в двадцати копахь грошей, которую суму она в нее брала ку потребамъ своимъ. И пишеть, поступуючи ей тоть дворецъ и в держанье ей подаючи, а ее тымъ объвезала за живота ее ховати и живность давати, а по животе душею ся опекати. Того листу дата по нароженьи Божъемъ тисяча пятьсоть тридьцать второго а м(е)с(е)ца генъвара третегонадцать дня. Ино то по дате, в листехъ описаной, оказало ся, ижъ вси записы //[л. 50] одного(*1) году, але Богдевичовы листы напередъ писаны. К тому ешче Соркговтовая положила достаментъ тое Ягънежьки, по-латине писаный, в которомъ она пишеть, умоцняючи тоть запис, которимъ Соркговтовой тоть дворецъ записала и в держанье ей перво того подала. А оныи записы, которими Богдевичу записала, тымъ достаментомъ ламлеть и ни во што ихъ оборочаеть. Оть Богдевича Семен Бубенъ поведилъ: "Яко ему записала тоть дворецъ и того жъ ч(а)су в держанье подала и при перв-шомъ записе своемъ. Готовъ того доводити суседы околичъными, же тоть дворецъ держалъ час немалый оть того ч(а)су, яко ему записала". И к тому ешче Семенъ Бубенъ мовилъ, што покладала достаментъ, беручи его собе ку помочи, же тыи листы отъволываеть. Ино достаментомъ запису первшого зламати не можеть. Але первей, нижли тоть достаментъ писала, в него в опеце была и тоть дворец, яко записавши, ему подала. И доводилъ того листомъ подъ одною печат(ь)ю ее. В томъ листе пишеть Ягнежъка, же побрала у Миколая Богдевича некотории речи живностью, в п(е)н(е)зехь, и тамъ же описала, ижь ты речи после того брала, яко ему дворецъ свой подала. А при тых всихъ листехъ бралъ ся Миколай на доводъ, хотечи того доводите, же четвертый годъ тому идеть, яко его з держанья вытиснула, а перед тымъ оного дворца николи не держала. Оть Соркговътовое //[л. 50об.] Аврамъ листу оному, которий Миколай покладалъ, вери не дал и мовилъ, же он того дворца николи не держалъ и, естьли бы кгвалътомъ з держанья выбила, былъ бы знакъ кгвалту альбо жалоба до враду, але оть того ничого не оказуеть, а она при записе и при держаньи готова доводите, ижъ оть чотырнадьцати леть тоть дворец держить. И обоя сторона в томъ на доводъ брали ся. Мы, жалобы и отъпору, и тыхъ всихъ листовъ выслухавши, бачечи, ачъ Миколая Богдевича листы датою первей писаны и описано въ одномъ листе, поступуючи ему третюю часть оного дворца, але в Соркговътовое листе, поступуючи ему третюю часть оного дворца, пишешь, же ей поступила и в моцъ, и в держанье тоть дворецъ подала, яко ся то в достаменъте оказало, же Соркговътовая тоть дворецъ держала ешче за ее живота, а толму достаменъту вжо чотыри годы, яко писанъ, а Богдевичъ оповеданья кгвалъту не оказывалъ, кому бы тоть кгватгь ожаловалъ, яко его з держанья выбитого, ведже, ижъ первший запись его, не ведаючи поводу права ни одной стороне, а хотечи справедливе посродокъ и розезънанье розсудькомъ н(а)шимъ межи нихъ учинили, казали есмо имъ, обеюмъ сторонами, светьки на держанье передъ нами ставили. И рокъ есьмо зложили на поставен(ь)е светьковъ - отъ нинешънего дня чотыри недели. И меновали //[л. 51] оны(*1), обедве стороне, светьков своихь. Соркговътовая Катерина выдала на сведецство хоружого курклевского Юря Мацъковича а бояр повету Пеняньского, суседовъ околичныхъ подле того дворца: Миколая Добъковича, Юря Марътиновича, Павла Яновича, Болтромея Яновича, Яна Буевича. И поведила, же: "Тыи тому сведоми, ижъ я оть чотырнадъцати леть толь дворец держу". А Миколай Богдевичъ выдалъ на сведецство хоружого пеняньского, маршалъка Онъдрошевичл, а бояр повету Пеняньского: Яна Можемковича а Войтеха Войдатовича, а бояр вилькомирскихь: Матея Есмановича а Яна Ленартовича, а Якуба Лешчевича, которий оть нег(о) тотъ дворец держали. И поведилъ: тыи вси тому сведоми, же, яко записала тотъ дворец ему, оть пет(ь)надъцати леть, и в держанье ему подала, и держали они до того ч(а)су, поки его кгвалътомъ отьняла, тому четвертый годи идет(ь). При томъ был староста житомирский кн(я)зь Богушъ Корецкий а панъ Войтехъ Ленартовичь Нарбуть. Писан у Вил(ь)ни. А потомъ тоть рокъ, на поставенье светъковъ зложоный, имъ быль оть насъ для инъшихь справь на роки судовыи, котории ся почали о св(е)томъ Михале, отъложон. Ино нинешьнего дня, по светомъ Михале, в понеделокъ, они, обедве стороны, передъ нами очивисте у права стали. И мовилъ Семен Бубенъ оть Миколая Богдевича, ижь //[л. 51об.] тых светъковъ Миколай на сведецство и ку помочи праву своему мети и у права ставити не можеть. Але нехай она светковъ своихь ставить на доводи. Одно то собе объваровываеть, ижъ суму п(е)н(е)зей оная Ягнежъка ему винъна и на томъ именьи тое сумы они доходити хочеть. Соркговътовая светъковъ своихь шести, имены вышейописаных, поставила, а семого, именемъ Яна Буевича, не могла поставити для того, ижъ на тоть час хвор и тую хоробу у листе своемъ ознаймилъ, и сведецство свое черезъ листь выдали. И такъ в листе описалъ, же тому сведомъ оть чотырнадъцати леть, яко Соркговътовая за живота тое Ягнежки и по животе ее дворец ее у Пенянех держить. А Миколай Богдевичъ того дворца никогда не держалъ. И мовилъ зять Соркговтовое, если бы не хотели тому листу вери дали, нехай до самого Яна Буевича шлеть ездока. И Миколай слати ездока не хотелъ. Потомъ есмо опытывали тых светъковъ Соркговътовое. Найпервей хоружий курклевский Юри Мацъковичъ поведилъ(*3): "Кгды тая Ягнежъка Петьковна достаментъ писала, при справован(ь)ю достаменъту быль есьми и печать за прозьбою ее приложилъ и тому есми сведомъ, же она посполь и з Соркговътовою тоть дворец держала и умираючи ее на томъ дворцы зоставила. А Миколай Богдевичъ того дворца не держали николи". А инъшие светьки, то есть, Миколай Добъкович, //[л. 52] Юри(*1) Марътинович, Павелъ Яновичи, Болтромей Янович, - вси одностайне поведали, ижь Соркговътовая ешче за живота тое(*3) Ягнешки и по животе ее тотъ дворей ее Пеняньский держить. А Миколай Богдевичъ николи того дворца не держали. Мы, бачечи, же Миколай Богдевичъ светьковъ своихь, которими держанья доводити бралъ ся ку помочи и ку подъпиранью права своего, не поставилъ и на Соркговътовое доводъ пустилъ, а оные светьки Соркговътовои сознали и посветьчили, ижъ Соркговътовая ешче за живота тое Ягнежьки тотъ дворец держала, а Богдевичъ николи не держали того дворца, ино кгды жъ он права и(*6) листов своихь доводомъ, которий собе ку помочи брал, не подъпер, нашли есмо Соркговътовое слушънейшие листы, которими ей записала. А то тымъ же, яко в листе описала, ей в держанье подаючи, такъ ся на праве оказало, и того она светьками и доводомъ своим(*3) подьперла и держанья довела. А Богдевича листы, ачъ датою первшие, нижли в листех описано, же ему в держанье подала, а онъ не держалъ и листовъ своих черезъ десеть леть не уживалъ, за таковыми причинами присудили есьмо третюю часть того дворца Пеняньского Соркговътовой Катерине навечность подъле запису тое Ягнежъки, а две части в двадцати копахъ грошей маеть держали, поки хто з близкихъ кровныхъ оное Ягнежьки ей тую двадцать копь грошей подле запису ее отьдасть. И на то есьмо Катерине Соркговътовой дали сесь н(а)шъ листъ //[л. 52об.] судовый подь н(а)шою печатью. А в тотъ час при насъ были: староста каменцкий кн(я)зь Кузма Жославский а бобровъничий полоцкий панъ Яцко Богдановичь Быстрейский. Писанъ у Вил(ь)ни, лета Божьего нарож(енья) 1546, м(е)с(е)ца окътябра 6 дня, инъдикга пятого. Примечание: №. 24 4 - Pirmasis skiemuo iterpts virs eilutes. 5 - Taip rankr., reiketu skaityti третюю. 6 - Raide taisyta. Источник: Orbis Lituaniae
РГАДА Жикгимонт третий Божью м(и)л(ос)тю. Ознаймуемъ симъ листом нашим, ижъ кгды были до насъ и суду н(а)шого позвомъ нашим позваные шляхетные Александер, Крыштофъ и Янъ Яновичи Буевича, земяне наши воеводства Витебского, на попиране учстивых бурмистровъ, радецъ и лавниковъ места н(а)шого Витебъска о то, иж они, набывши собе пляцу ворового, то ест выгону на кгрунте местском витебъском, до места належачог(о), недалеко от островъя Подвинского и Писаровъщизны, и збудовавши на том пляцу дом, с того дому повинъностей звыклых месту полнить не хочуть, але овшем зъ юрыздыцыи, с права и с присуду местского дом тот выламуют, а праву и волностямъ шляхецкимъ привлащають ку шкоде немалой месту и противку праву, привилеем, волностям, месту преречоному от королей и княжат, продковъ наших, наданым, яко о то позовъ шырей объмавляеть. На року тогды сегоднешнем, с позву припадаючим, сторона поводовая через шляхетного Матея Важинского, умоцованог(о) своего, перед судом н(а)шим станувши, того року пилновала и положене позву на позваную сторону довела. А позвана будучи по чотыры крот над право через возного земъского шляхетного Криштофа Чижевского до суду н(а)шого приволаная ани через умоцованого своего не станула. Зачим сторона поводовая, выводечи право свое, показала привилей светое памети короля Жикгимонта Августа под датою въ Вилне року тисеча пятсот шестьдесят// первого, м(еся)ца июня шостого дня, которим корол Август потвержаючи привилей светое памети короля Казимера межи иншими волностями и надатками на певный пляц Михаловщизны воровый, то ест на выгон месту Витебскому наданый, вспоминаеть, што и потом короли продки наши потверъжали и умоцнили, зачим ижъ на том пляцу воровым, то ест выгону, позваные домъ собе збудовали, просили мещане, абы тот пляц и дом, на кгрунте местъском збудованый, до юрздыцыи местъское был присужоный, аже бы позваные и хто колвекъ будет тот дом держалъ повинности и иншие тежари местские заровно з ынъшими мещаны подоймовали и полнили. Мы с п(а)ны радами, асесори н(а)шими, выслухавши сознаня возного о приволаню стороны позваное учиненого за нестанемъ ее, а бачечи то, иж поводовая сторона, доводечи позву и права своего, показала, же тот пляц естъ местский и на том пляцу местскомъ естъ дом збудованый, про то знайдуемо, ижъ позваная сторона не можеть взглядом того дому юръздыцыи местское уходит(ь) ани ее в ничом увлачать, але присудивъши тот пляц або дом до юрздыцыи местское, сказуем, абы позваные и тые, которие будуть тот пляц местский або дом держать, с того дому повинности звыклые ровно з ыншими мещаны плнили и отдавали и юрздыцыей праву и присудови местъскому с того дому подлегали моцю того декрету н(а)шого. Што про паметь до книгъ Канцелярийскихъ записать есмо казали. Писан у Кракове, лета Божего нароженья тисеча шестьсот пятого, м(еся)ца ноебра двадцать девятого дня.
Лев Сапега, канцлер
Остафий Воловичъ,
Источник: |